Stammtisch

from Leerlauf by Rudee

	/

Streaming + Download

Includes unlimited streaming via the free Bandcamp app, plus high-quality download in MP3, FLAC and more.

1 CHF or more
Buy the Full Digital Album
Compact Disc (CD) + Digital Album
Includes unlimited streaming of Leerlauf via the free Bandcamp app, plus high-quality download in MP3, FLAC and more.

ships out within 5 days

15 CHF or more

lyrics

jetz hocksch immerno do? ha gmeint de sigsch gange
chum frölein, bring nomol zwei stange
nomol wäg vorhär, do däm andre
wo nur isch am umehange,dä sehni ab und zue wider durehample

e durlips, so ein chasch doch nid bruche
e richtige träumer, chunt ganz nach sinre muetter
die haghäx, isch doch völlig überfordret mit ihrne goofe
uf e chance chönd die chinder nur no hoffe

früener het me söttigi ufe hof gschikt als verdingbueb
hüt stön si am bahnhof mit ohrstöpsel und stirnduech
min sohn würdi scho früener in d schranke wiise
bi dene machtr wasr will, s isch zum id chappe schisse

das isch ufm sozialmischt gwachse vo de griene
das umegehange und gekiffe eifach so z akzeptiere
spöter sin si so vergässlich das si sich verliere
jetz muess ich als stürzahler das pack no finanziere

weiss jo wies lauft, ich schuft hart für mi zaschter
jetz wän die vo mir gäld für sone chasper
nei ich säg dr do wirdsch verarscht vom staat
mit däm sozialsystem chumi garnid klar

(intermezzo)

neei neei, si hei grad gescht e bricht brocht
lehrstelle heigs, die junge wän eifach nid schaffe
di hocke doch do wie heissts an dere xbox
odr hole sich im internet ein vo dr waffle

so sin die druff, am wuchenänd suff untr dr wuche paffe
kei respäkt me nidmolme untrenander
die hocke alli die ganz zit an ihrem natel
und wärde grad aggresiv wenns mol abstellt

mir sin immer dusse gsi früener hän töffli frisiert
sin ohni uspuff umegfahre, dr pöschtler schikaniert
e chischte bier ab an waldrAND
eimol hani e jointli probiert
daschs denn abr au scho gsii, ha gmerkt isch nüt für mi

die sausieche, jedeobe kiffe si bim schlachthus
dä lärm, schreie sich dr hals in dr nacht us
dr ganz abfall blibt ligge verantwortig gits keini
i säg dr weni ein verwütsch den schwartm grad eini

Hook:

dr stammtisch, ort vo verschlofene träum
jede tag startet s gemotze vo neuem
zum znüüni zum zmittag zum fürobebier
alli andere hän nüt verstande nume nid mir

dr stammtisch, ort vo verschlofene träum
jede tag startet s gemotze vo neuem
zum znüüni zum zmittag zum fürobebier
alli andere hän nüt verstande nume nid mir

(intermezzo)

s chöme au lüt us aller wält und näme eus d arbet wäg
die ganze pole mache d jobs für s halbe gäld
schikes denne abe will dene döt an allem fählt
euses land land wird überfremdet und am schluss isch alles wäg

ihri chinder schleppe si au no mit, langsam sött me brämse
mi michi wird unterwägs tagtäglich ghänslet
drbi isch är sone flotte aständige bueb
und wäre die jugos nid, würd är au gärn id schuel

(intermezzo)

dr stammtisch, ort vo verschlofene träum
jede tag startet s gemotze vo neuem
zum znüüni zum zmittag zum fürobebier
alli andere hän nüt verstande nume nid mir

dr stammtisch, ort vo verschlofene träum
jede tag startet s gemotze vo neuem
zum znüüni zum zmittag zum fürobebier
alli andere hän nüt verstande nume nid mir

credits

from Leerlauf, released March 6, 2015

license

about

Rudee Basel, Switzerland

Wenn Rudee rappt, ist kein Wort bedeutungslos. Präzise, charmant und mit einer gehörigen Portion Biss analysiert der Rapper seine Lebenswelt und schont dabei weder seine Mitmenschen noch sich selbst. Seine Songs sind witzig-ironische Oden an das kleinbürgerliche Leben, zeugen aber immer auch von Melancholie und wiederspiegeln die innere Zerrissenheit des Künstlers. ... more